Friday, March 29, 2024

Uy Nag-Aghat Nga Minusan Ang Buhis Sa Mga Gagmay Nga Trabahador Ug Negosyante

0

Uy Nag-Aghat Nga Minusan Ang Buhis Sa Mga Gagmay Nga Trabahador Ug Negosyante

0

How do you feel about this story?

Like
Love
Haha
Wow
Sad
Angry

Ang Misamis Oriental, Representante sa 2nd District nga si Juliette T. Uy naghangyo sa Department of Finance (DOF) ug National Economic Development Authority (NEDA) nga dili usa hatagan og pagtugot ang pagpahamtang sa taas nga buhis sa mga trabahante ug gagmay nga negosyante.

Ingon ni Uy, daghang pang empleyado ang naglisud karon tungod sa pandemya. Dugang niya, nga imbis ang pagdugang sa buwis ang hatagan og pagtagad, unta mas hatagan og bili ang pagtapyas niini. Kini usa na kadako nga tabang labi na alang sa mga negosyante nga mabalik pag-usab ang ilang negosyo.

“Aduna usab mga balaod nga nagtumong nga dili maapil ang ubang mga sektor sa paghatag og buhis ug kini mahimo nga suportahan sa publiko,” ingon ni Uy.

Pabor usab si Uy sa exemption sa buhis sa mga benepisyo nga nadawat sa mga magtutudlo ingon man bayad sa mga kawani sa eleksyon.

“Kinahanglan nga wala kini buhis. Kinahanglan nila nga madawat sa hingpit ang honoraria ug mga benepisyo sa insurance alang sa mga serbisyo nga ilang gigahin alang sa eleksyon,” dugang pa niini.

Photo Credit: Facebook/juliette.uy.5