Usa ka grupo nga gitawag og Ikaw Muna (IM) Pilipinas sa Cebu City ang gilansad kaniadtong Miyerkules aron suportuhan si Manila Mayor Isko Moreno isip kandidato sa pagka-presidente karong umalabot nga 2022 eleksyon.
“Gusto namon nga modagan pagka-presidente si Mayor Isko Moreno tungod sa mga maayong butang nga iyang gihimo sa Manila, ug mahimo niyang ma-copy ug paste ang mga paningkamot sa tibuuk nga nasud, apil ang Cebu,” Nicholas Malazarate, Regional Coordinator sa IM Pilipinas sa Region 7 og 8 miingon.
“Nasabtan niya ang kahimtang sa mga kabus sa kasyudaran, tungod kay kaniadtong usa siya kabatan-ong lalaki kabus lamang siya og nakakuha lamang og gamay nga sweldo,” dugang ni Malazarte.
Si Malazarte nakasabut sa kaagi ni Moreno ingon usa ka batang lalaki nga nagkolekta ug mga basura sa iyang kapanahunan.
Sunod niini, nadiskobrehan si Moreno sa pagka-artista ug usa ka modelo sa wala pa siya mapili isip konsehal sa Manila, bise mayor sa Manila ug sa katapusan isip mayor sa Manila kaniadtong 2019.
Ang mga myembro sa IM Pilipinas Cebu City gikan sa mga urban poor nga mga lider sa gilain-lain nga hanay mipadayag usab sa ilang pagsuportan, sama nila Dolores Dedumo, pangulo sa Hanay ng mga Maralitang Lungsod, Cebu ug uban pa naglaum nga pilion si Moreno sa pagka-Presidente sa 2022.
Sa ubang bahin, si Delia Catamco og Marvil Elbing nangandoy ug barato nga puy-anan sama sa Baseco, Manila nga gipanguluhan ni Mayor Isko, na mahisama usab ang Cebu og ang ubang syudad.
Ang uban pa nga nagpahayag sa parehas nga panawagan mao ang mga myembro sa IM Pilipinas Cebu City na sila Loreto Gerez, lider sa Hanay sa Transportasyon, Cebu; Shaine Flores, lider sa Hanay sa mga LGBTQ, Cebu ug uban pa.
“Nakita ko ang mga pagbag-o nga iyang gihimo sa Manila, ug kini nagpukaw sa usa ka nabag-o nga paglaum. Giuna niya ang nasud sa iyang kaugalingon,” saksi ni Sheena Abubakr, usa ka OFW.
Sa ulahi, ang IM Pilipinas Cebu City chapter nagsagop ug usa ka resolusyon nga nagsuporta sa posibleng pagdagan ni Moreno sa pagka-presidente sa 2022.
Ang Resolusyon, nga gibasa sa myembro sa IM Pilipinas Cebu City nga si Nilo Dinaunao, nagdayeg kay Moreno isip usa nga magpahiuli sa dignidad sa usa ka Pilipino nga maayong panig-ingnan kung unsa ang kinahanglan sa usa ka pinuno.
Sa iyang bahin, ang IM Pilipinas National Convenor ug si niaging undersecretary sa Transportasyon nga si Tim Orbos, nga ang kasinatian ni Moreno sa pag-atubang sa trapiko ug pag-areglo sa syudad sa Manila nagsangkap kaniya nga maayo alang sa pagka-presidente tungod kay parehas kini nga mga isyu nga kinahanglan sulbaron sa mga syudad sa tibuuk nasud.
Ang lalawigan sa Sugbu, apil ang Cebu City, adunay labing daghang mga rehistradong botante nga mga tulo ka milyon. Ang piliay sa sunod tuig gikatakda sa Mayo 9 apan ang pag-file sa kandidatura gikatakda sa una nga semana sa Oktubre.
Hinuon, wala pa makahukom si Moreno kung modagan ba siya pagka-presidente sa 2022.
Si Moreno kasamtangang naa karon sa Sta. Ana Hospital sa Manila human nag-positibo sa COVID-19.
